Plantun de Prouvènço

Pèr coumpara dos planto d'encò nostre

Delphinium dubium & Lithospermum officinale

Delphinium dubium

Ranunculaceae

Noms en français : Dauphinelle élevée, Dauphinelle douteuse.

Descripcioun :
Planto renadivo proun grando qu'a de fueio bèn verdo e telado. Li flour soun d'un poulit blu emé un long esperoun. Vèn bèn dins li relarg mountagnous umide. Es uno planto proutegido.

Usanço :
Coume si cousin li tuo-loup, aqueste capouchin es uno planto proun empouisounanto. Caup d'alcalouïdo que paraliso lou cors e majamen l'alenamen. Li bèsti que l'esbrouton podon n'en mouri.

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Delphinium
Famiho : Ranunculaceae

Ordre : Ranunculales

Coulour de la flour : Bluio
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 1800 à 2700 m
Aparado : Vo
Remarco :
Juliet à avoust

Liò : Melounié - Esboudèu - Prado umido
Estànci : Subaupen
Couroulougi : Ouroufito-Sud-Aupenco
Ref. sc. : Delphinium dubium (Rouy & Foucaud) Pawl., 1934

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).